Мугудайская модельная библиотека

Балаҕан ыйын 16-19 күннэригэр Дьокуускай куоракка СӨ Национальнай библиотека тэриллибитэ 100 сылыгар анаммыт IV норуоттар икки ардыларынааҕы библиографическай «Библиография в сохранении культурного наследия и языкового многообразия народов мира» конгресс ыытылла турар. Тас дойдуттан уонна Россия бөдөҥ библиотекаларын салайааччылара, учуонайдара кыттыыны ылаллар. 4 күн устата өрөспүүбүлүкэбит бары библиотекаларыттан делегациялар бу улахан конгресска араас хайысхаларынан библиография билиҥҥи туругун, сайдыытын ырытыһан, дьүүллэһэн санаа атастаһыахтара. Чурапчытааҕы библиотечнай ситим 26 үлэһитэ үйэҕэ биирдэ буолар улахан тэрээһиҥҥэ кыттыыны ыллылар.