Мугудайская модельная библиотека

Бүгүн олунньу 25 күнүгэр «БАР ДЬОММОР АНЫЫБЫН…» кинигэ сүрэхтэннэ. РСФСР, ССРС норуотун үөрэҕириитин туйгуна, Учууталлар учууталлара, САССР үөрэҕириитин министерствотын общественнай инспектора, Чурапчы улууһун «Саҥа олох» хаһыат общественнай корреспондена, Чурапчы улууһун норуотун маастара, пропагандист, сцена бэтэрээнэ, СӨ үөрэҕириитин систиэмэтин Бочуоттаах бэтэрээнэ, үлэ, тыыл бэтэрээнэ, Мугудай нэһилиэгин Бочуоттаах олохтооҕо, биэс оҕо тапталлаах ийэтэ, уон сиэн, уон хос сиэн эбэтэ ЕКАТЕРИНА АФАНАСЬЕВНА СЛЕПЦОВА үлэлээн ааспыт олоҕун сырдатар ахтыылар, бэйэтэ уонна атын ааптардар араас кэмҥэ хаһыакка таһааттарбыт ыстатыйалара киирбиттэр.

Кинигэ Новосибирскай куоракка 560 страницанан 100 ахсаанынан бэчээттэнэн 2026 сылга тахсыбыт, кинигэни АЙТАЛИНА, АФАНАСИЙ СЛЕПЦОВТАР хомуйан, бэлэмнээн таһааттардылар «Суруллубут — суоруллубат!» диэн бэргэн этии, чахчы даҕаны, бу кинигэттэн көстөр. Ахтыылартан, суруйуулартан бу кинигэттэн оччотооҕу нэһилиэкпит, дьоммут-сэргэбит олохторун-дьаһахтарын үгүһү билиэххэ-өйдүөххэ сөп… Екатерина Афанасьевна архыыбын харыстаан көрбүт-истибит Марианна Ивановна Слепцоваҕа истиҥ махтал. Кинигэни ааҕыҥ, дьоҥҥут, нэһилиэкпит туһунан үгүһү билиэххит-өйдүөххүт.