Мугудайская модельная библиотека

Улуус дьаһалтатын аактабай саалатыгар нэһилиэнньэни (бэтэрээннэри) кытта үлэлиир исписэлиистэргэ, уопсастыбаннай тэрилтэлэр салайааччыларыгар, нэһилиэктэр актыбыыс бэтэрээннэригэр «үрүҥ көмүс волонтердарга» туһаайыллыбыт «Чурапчы улууһугар волонтердар үлэлэрин сайыннарыы» тематыгар семинар буолла. Семинары «Олохтоох көҕүлээһини сайыннарыы агентствотын» дириэктэрин солбуйааччы С.Д.Старостина, исписэлиис, «Чурапчы» волонтер киинин салайааччыта Е.П. Илларионова, Мугудай «үрүҥ көмүс» волонтердарыттан «Күбэйэ» түмсүү салайааччыта Е.П.Катакова ыыттылар. Манна олохтоохтор киллэрэр идеяларыттан, этиилэриттэн саҕалаан граннары, бырайыактары оҥорууга, волонтер үлэтин сайыннарыыга, бу эйгэҕэ үөскүүр араас боппуруостарга сүбэ биэрэр үөрэх ыытылынна.